Stad: Aust i Godøysund nord i Tysnes kommune.
Areal: Om lag 19 dekar.

Frodig øy med om lag 20 treslag, mange tilplanta. Gamle spaservegar og restar etter tidlegare hus. Øya vart gjeve til kongehuset i 1905 etter å ha vore i britisk eige. Etter kong Olavs død gav arvingane øya i gåve til Tysnes kommune i juni 1991, under føresetnad av at eigedomen vert nytta «til friluftsområde for almenheten, men med fortrinnsrett for funksjonshemmede». Øya er rydda for å få dei gamle spaservegane fram i dagen att. Toalett, fast grill, grindabygg og kai på nordspissen av øya, fleire bord og benkar. Naustet på nordsida er sett istand og er ein del av kystleia. Flytebryggje sørvest på øya. Det er fint å telte i vika nord for huset. Godøysund er eit fint utgangspunkt for padling ut til Solstråleøya.

Aust på øya ligg den gamle oppsynbustaden. Huset på øya vert halde ved like av Solstråleøya venelag og kan leigast etter avtale med venelaget. Kai på nedsida av huset.

Det er gjeve ut ei bok om historien til øya (Solstråleøen, Norolf Henriksen og Kåre Bolstad, Labyrinth Press 2003).

Sjå biletserie frå Solstråleøya og Godøysund området.

NRK Hordaland har laget en egen reportasje om Solstråleøya.

Tekst og Bilete: Bergen og Omland Friluftsråd